Okkur finnst súpur mjög góðar og eldum við yfirleitt meira af þeim yfir veturinn en á sumrin. Þessi súpa er í miklu uppáhaldi hjá okkur. Bragðið er himneskt. Einnig er þetta sniðugur grunnur í t.d. kjúklingasúpu, þá væri tilvalið að bæta við sítrónugrasi og jafnvel smá grænu curry pasta saman við. Meðlætið hjá okkur var gott brauð ásamt hvítlauksolíu og balsamic olíu blöndu.

 

Hráefni:
40 g ferskt koriander (steinselju)  ég nota bæði
2-3 rauð chili
4-6 hvítlauksgeirar
5 cm engiferrót
1 tsk kóríanderfræ (má sleppa)
3 msk sesamolía eða ólífuolía
2 x 400 g dósir kókosmjólk
5-6 dl vatn, meira ef þið viljið þynna súpuna
1 tsk fiskikraftur (ten)
1/2 dl fiskisósa (tai fish sauce)
400 gr fiskur, lax, skötuselur, lúða, silungur, þorskur eða annar fiskur sem er fastur í sér
1 poki soðnar risarækjur
150 g sykurbaunir, skornar í tvennt, setti þær heilar úti, setjið út í áður en súpann er borin fram. (Það má alveg sleppa þeim)
3 vorlaukar, fínt sneiddir

Einnig væri hægt að nota frosna sjávarréttablöndu.

Aðferð:
Takið frá örlítið af fersku kórínander til að skreyta súpuna. Maukið ferskt kóríander, chili-aldin, hvítlauk, engiferrót og kóríanderfræ saman í matvinnsluvél. Hitið olíu í rúmgóðum potti og steikið kryddmaukið í 1-2 mín.
Bætið kókosmjólk, vatni og fiskikrafti út í og látið sjóða við vægan hita í 10 mín. Bætið fiskisósu saman við ásamt fiski og látið sjóða í 1-2 mín í viðbót.  Setjið baunir og vorlauk og auka kóríander ofan á í lokin til skrauts.
Best er að brúna vorlaukinn og sykurbaunir í potti áður.

Balsamic blanda
½ bolli olía
¼ bolli balsamik edik
2 msk. sykur
2 msk. soyjasósa
smátt saxað chilli
sjóðið saman í ca. 1 mínútu, kælið og hrærið í á meðan blandan kólnar.

Mér finnst mjög gott að eiga þessa blöndu í flösku inni í ísskáp. Ég nota þetta mjög mikið.

 

Gott nýtt brauð, hvítlauks olía til að dýfa brauðinu ofan í og balsamic blanda.

 

Verði ykkur að góðu 🙂