Sushi – sushi, nammi, namm
Mér finnst mjög gaman að búa til sushi og jafnvel ennþá betra að borða það. Við fjölskyldan mín erum dugleg að búa okkur til sushi. Það er eitthvað svo afslappandi og skemmtilegt við þetta. Þetta verður oft hin besta stund sem fjölskyldan á saman við matargerðina.
Þetta er eitthvað sem flest allir geta gert, fullorðnir jafnt sem börn. Það er til urmull af kennslumyndböndum á netinu sem kenna rétta aðferð og einnig eru til matreiðslubækur um kennslu sushigerðar. Það er mikilvægt að vanda sig við hreinsun og suðu á grjónunum. Grjónin þarf að skola vel í köldu vatni fyrir suðu. Ekki klikka á því. Einnig er nauðsynlegt að vera með ferskt og gott hráefni. Ég bið hverju sinni um það ferskasta í fiskborðinu sem hentar til sushi. Spurjið því afgreiðslufólkið í fiskbúðinni ykkar, hvaða fiskur hentar best til sushi hverju sinni.
Mér finnst gott að láta hráefni ná út fyrir rúllurnar þegar ég raða á rúllurnar, með því móti verða endarnir fallegri þegar ég sker þá af og nota með á diskana sem skraut. Mér finnst einnig best að skera rúllurnar þunnar, ég er ca að ná 12 sneiðum úr per blaði.
Ég mæli með Fiskbúðinni Hafberg (á móti MS) virkilega góð þjónusta og gæða vara.
Kíkið á þetta myndband frá Blue Dragon. Mjög gott kennslu myndbandi, einnig borgar sig að skoða youtube, þar er fullt af sushi kennslumyndböndum.
Við keyptum okkur litlu diskana og skálarna í Líf og List Smáralindinni og prjónana keyptum við í Víetnam market við Suðurlandsbraut. Það má kaupa margt sniðugt til sushi gerðar í Tailensku og Víetnömsku búðunum hérna heima.
Njótið vel og góða skemmtun.
