Bökunaræðið á heimilinu heldur áfram. Það er svo gott að borða nýbakaðar kökur, drekka kalda mjólk með og ræða heimsmálin við litla kútinn. Já sérstaklega þegar maður er 2 1/2 árs, þá eru flugvélar, þyrlur og löggubílar aðalumræðuefnið hjá okkur. Ekki skemmir það heldur fyrir að framburðurinn á þessum tryllitækjum er: Fummi = flugvél, siggata = þyrla og loggibíll = löggubíl.

Allavega þá var ákveðið að baka skúffuköku og skreyta hana með Isaedlu (risaeðla) skrauti sem við keyptum sérstaklega í Allt í köku

Hráefni:
2 bollar hveiti
1 1/3 bolli sykur
6 msk kakó
1 tsk natron
1 tsk salt
2 egg
1/2 bolli smjör, bráðið
1 bolli súrmjólk
1 tsk vanilludropar

Aðferð:
Blanda þurrefnum saman svo smjöri, eggjum, súrmjólk og vanilludropum.

Bakist við 180 gr. í 20-25 mín.

Ef uppskrift er tvöfölduð þá eru notaðar 10 msk. af kakói.

Njótið